ادروب طالب الشايقي قروش نكرا
ادروب مشى يشتكي لقا ليك العسكري شايقي مشلخ
ساقوهو المحكمة لقى القاضي شلوخو تلخم
ادروب عرف حقو راح
القاضي سالو اسمك منو؟
ادروب محمد طاهر
جنسك شنو؟؟
ادروب اتلفت وقال ليهو شايقي
القاضي : آ زول استهدي بالله
ادروب: والله شايقي
القاضي : طيب شغال شنو؟؟
ادروب عاين كدا وبمغصة قال نحن الشايقية غير حق الناس عندنا شنو.. اكتب
حرامي
________________________________
شايقية راكبة القطر بالليل ونايمة في الممر رباطابية عفصتا
الشايقية هاجت وقالت ديل حريم شنو الحايمات بالليل
الرباطابية قالتلها عاجباني انت الراقدي عند اهلك
________________________________
________________________________
جعلي سألوه ... عكازك دا بضرب ؟
قال ليهم لا .... لكن ممكن أعمل ليكم بيهو مسكول فوق راس الشايقي دا
________________________________
شايقي لاقا قريبو
قاليهو آموحمد احمد بتفهم في الكهربى شى
قالو اي بفهم
قاليهو كان كدي تعال علينا صلحلنا
جرس الباب الليلنا باقي عطلان
قالو سمح بجي
اها صاحبنا ما جا قام لاقاهو بعد تلاته يوم قالو
آمحومد احمد مالك ما جيتنا شان تصلح الجرس
محمد احمد قاليهو والله جيت تلاته مرات دقيتلكن
الجرس مافي زول فتحلى
________________________________
شايقيه ولدها جابها من البلد .. ركبوا الأسانسير في عماره طويله ...
الشايقيه قالت لي ولدا دا شنو دا يا ولدي .. قال ليها دا الأسانسير يمه
قالت ليهو ما بلقى لي واحد زي دا لي حش التمر
________________________________
الشايقى دخل الجنة .. وفجأة اختفى
فتشوا عليهو لقوهو بكب بنزين فى ناس النار
________________________________
امام شايقي واقف يصلى بالناس
شاف الجعلي جاري يحصل الصلاة
سلم وهو واقف
________________________________
شايقي شاف جنازة جعلي ، بدأ يبكي بي حرقة شديدة ويتقلب في الواطة
سألوه : انت الزول ده بتعرفو ؟
قال ليهم : لا .. لكن سمعت البكا بيزيد عذاب الميت
________________________________
شايقى بياكل في قراصة بي ويكي قال بسم الله
جاهو الشيطان قال ليهو اكل اكلك آزول مافى شيطان مشتهي ليهو قراصة هسه
________________________________
شايقي كسلان مشى لي ناس مطبعه قال ليهم ما عِندكم لي شغل؟
قالوا ليهو داير تشتغِل شنو؟ قال ليهم اطلع اقعُدلكُم فوق ورق
الجرايد عشان الهواء ما يشيلُو
________________________________
شايقي سمع بي خطف الطيارات
ركِب قطر كريمة وقال للسواق أمشي ليبيا
________________________________
أول يوم في عيد الفطر إبليس لاقى واحِد شايقي
قال للشايقي أعوذ بالله خلاص رمضان انتهي فكوكم
________________________________
شايقى وجعلى ماشين فى الغابة ظهر ليهم نمر
الشايقي شال نعلينو فى ايدو واستعد للجرى
الجعلى قال ليهو شلت نعليك فى ايدك
قايل نفسك بتسبق النمر
الشايقى قال للجعلى انا عارف نفسى ما بسبق
النمر.. انا داير اسبقك انت
________________________________
جعلي سالوه كيف الغربة معاك قال ليهم شدة ما حارة يلقاك شايقي تسلم
عليهو
________________________________
شايقي أبوهو مات أهلو أكلوا قروش الكشِف
بعد فتره امو ماتت جاب ناس الهدف
________________________________
شايقية صاحباتا قالوا ليها فستانك ده حلو .. تفصيل ولا جاهز قالت ليهم
خلقة
________________________________
شايقى قال لمرته : لما أموت إتزوجى جارنا المحسى دا .. قالت ليهو
ليــه ؟ قاليها : لأنو غشانى باع لى تلاجة بايظى وعاوز أتسدّ
________________________________
جعلى مغترب ابوهو مات واهلو دفنوهو فى مقابر الشايقية
اول ما رجع حفر قبر ابوهو الناس سألوهو بتعمل فى شنو
قال ليهم اصلو المرحوم اضانو تقيلة وديل الغتيتين لو القيامة قامت ما بكلمو
________________________________
شايقي جارو جعلي الشايقي اشترى ليهو خروف سماه الجعلي شابكو
ادو الجعلي القش اربطو الجعلي فكو الجعلي
الجعلي زهج منو يوم الخروف طلع بره لم فيهو الجعلي شلخو شايقي
________________________________
________________________________
شايقي كتب في وصيته لازم يدفنوهو جنب جعلي
قالوا ليهو ليه!! قال لانو يوم القيامه الجعلي
يحلف يقول حساب الجماعه ديل كلهم علي
________________________________
الشايقية راكبة في القطر وقاعدة جنب الشباك . .
واحد من القاعدين في كنبة النص قال لها:
عليكي الله يا الحاجة بادليني بي محلّك، لأني قاعد أسِفْ وأبزّق
الشايقية: نان أنا قالولك قاع اسِف وابلع؟
________________________________
شايقي دخل البيت زعلان شديد .. مرتو سألتو مالك يا راجِل
قال ليها الصيدليه عاملة تخفيض كبير في الدواء
وما عندنا زول عيان
موضوع: نكات شوايقه 
الإثنين سبتمبر 06, 2010 2:25 pm
